Гурт N.R.M. прэзентаваў кліп на песню «Прамень», якая ўвойдзе ў новы альбом гурта.
«Сэнс кліпа просты — людзі ідуць сустракаць узыход сонца, — распавядае пра відэа Піт Паўлаў. — Разам з N.R.M. і проста разам адзін з адным».
Аўтарам ідэі кліпа, у якім музыкі і героі кліпа з'яўляюцца ў залатых камбінезонах, выступіў знакаміты польскі мастак і скульптар Павел Альтхамер, а рэжысёрам стаў польскі кліпмэйкер Яцэк Ташакоўскі. У траўні кліп будзе прадстаўлены на берлінскім мастацкім фестывале «Біенале».
Неўзабаве таксама будзе падрыхтаваная пашыраная версія кліпу, ў які трапяць фотаздымкі фанатаў гурта, якія яны дасылалі на фотаконкурс, абвешчаны некалькі тыдняў таму. Конкурс працягваецца, і гурт чакае вашых здымкаў.
