N.R.M. праводзіць фотаконкурс. Зараз музыкі здымаюць кліп на новую песню пад назвай «Прамень», які часткова будзе складацца з фотаздымкаў. Але не прафесійных. У відэа ўвойдуць фотаздымкі аматараў, прыхільнікаў творчасці, а таксама ўсіх жадаючых.
«Для удзелу ў конкурсе трэба сфатаграфавацца такім чынам, каб з тылу было бачна ўзыходзячае Сонца, — тлумачыць Піт Паўлаў. — Якасць фота не істотна. Калі ласка, фатаграфуйцеся на тэлефоны».
Дарэчы, найлепшыя здымкі трапяць у кліп, а пераможцы будуць запрошаныя на канцэрт-прэзентацыю. Аўтар здымкy-пераможцы паедзе з гуртом на прэзентацыю кліпа ў Берлін, якая адбудзецца ў траўні. Спяшайцеся, кліп ужо амаль скончаны.
Свае фотаздымкі можна даслаць на e-mail petepaff@tut.by, а таксама дадаць на сцяну конкурсу на Facebook.
