Мінскі гранж-гурт «Мутнаевока» скончыў пошукі новага бубнача. На пачатку года гурт пакінуў былы бубнач Павел Воўкаў, які граў у складзе гурта са студзеня 2011.
Новым музыкам стаў Аляксей Ефрэменка — прафесійны рок-драмер з багатай музычнай біяграфіей (Znich, Litvintroll, Partizone, Tarpach). Па словах астатніх музыкаў «Мутнагавока», менавіта Аляксей «апынуўся чалавекам адчыненым для новых ідэй і эксперыментаў».
«Склалася такое ўражанне что гэтае месца Аляксею было прызначана з самага пачатку. Яго удар адразу пранізвае як страла! Ён вальнадум і ўвогуле ставіцца да музыкі як вар’ят, упэунены ў сваіх намерах, — кажуць музыкі. — Наперадзе вялікі адрэзак работы, якую ў новым складзе мы станем выконваць з азартам і імпэтам, такім імкненнем як ніколі».
На пачатку лютага «Мутнаевока» распачне працу над максі-сінглам, у які войдуць чатыры новыя кампазіцыі, а таксама кліп на песню «Саўндтрэк». Дыск выйдзе абмежаваным тыражом, а яго прэзентацыя запланавана на травень.
